migrena- zbritja e dhimbjes

Migrena është kokëdhembje periodike në lidhje të ngushtë me ndryshimin e shtypjes së ajrit. Migrena identifikohet sipas dhembjeve pulsive pas syve apo në ballë, të shoqëruar me mundime, ndjeshmëri ndaj dritës dhe zërave, e ndonjëherë edhe dështimi i fushës së të parit (fotografia do të duket pjesërisht e shtrembëruar).

Për të zbutur dhembjen, do t'ju ndihmojnë analgjetikët nga grupi i ergotaminave apo antireumatikëve josteroidë, ndërkaq tretmani i akupunkturës do të zbusë dhe ulë intensitetin e kokëdhembjes.

Migrena shpesh është e lidhur edhe me ushqimin, p.sh. konsumimi i alkoolit, çokollatës dhe të disa llojeve të djathërave të yndyrshëm. Prandaj, shmanguni alkoolit dhe prodhimeve të tilla ushqimore, aq më parë kur shkaktohen ndryshime të motit dhe të shtypjes së ajrit.

Shqetësimet verore

Ndryshimet klimatike nuk ndikojnë vetëm në keqësimin e disa sëmundjeve, por edhe në gjendjen e përgjithshme të organizmit. Prandaj në verë shpesh jemi të lodhur pa ndonjë mundim të madh. Në qoftë se ndjeheni i lodhur menjëherë pas zgjimit? Jeni të padisponuar, keni depresion dhe jeni apatikë, ndërkaq forca e koncentrimit ju është gjithnjë e më e dobët? Atëherë mund të jeni të sigurt se "vuani nga ndryshimet klimatike".

Në qoftë se i keni simptomat e sipërpërmendura, nuk keni nevojë të humbni kohë duke shkuar te mjeku. Do t'ju ndihmojë ushqimi i ndryshëm i pasur me vitamina dhe minerale, hani sa më shumë perime të freskëta, pini çaj bimësh, qumësht dhe prodhime të saj, zvogëlojeni pirjen e alkoolit dhe të duhanit, ndërkaq do t'ju ndihmojë edhe në qoftë se qëndroni në ajër të pastër duke bërë ndonjë ushtrim të lehtë trupor. Në qoftë se gjatë dimrit nuk keni marrë preparate multivitaminoze,akoma nuk është vonë për to.